Wednesday, May 2, 2012

ഫോട്ടോഗ്രാഫ്

ഒരു ഫോട്ടോ എടുക്കുമ്പോള്‍ 
കാലത്തിന്റെ ഒരു കണികയെ 
ആരോ സാക്ഷ്യപ്പെടുതുകയാണ്....  
           
മഴ പയ്തോഴിഞ്ഞിട്ടും,
വായുവില്‍ തങ്ങിനില്‍ക്കുന്ന 
ഒറ്റ നീര്‍ തുള്ളി പോലെ,
അവയെ കാണുന്ന 
ഓരോ വേളയിലും 
രേഖാ ചിത്രമായി ,
ഓര്‍മക്കുറിപ്പായി 
നെഞ്ചില്‍ വിങ്ങി നില്‍ക്കും...   

പഴകി മഞ്ഞളിച്ച 
ബ്ലാക്ക്‌   ആന്‍ഡ്‌ വൈറ്റ് ഫോട്ടോയില്‍ ,
വട്ടക്കസേരയില്‍  നിന്നും 
എണീക്കാന്‍ ഒരുങ്ങുന്ന 
കുട്ടിമുഖത്ത് ,
പുതുലോകം കാണുന്ന കൌതുകം !

സ്റ്റുഡിയോയിലെ 
നീലവിരിക്ക് മുന്നില്‍ 
കൈകെട്ടി നില്‍കുന്ന 
പെണ്‍കുട്ടിയുടെ ,
കണ്മഷിവാരിതേച്ച   കണ്ണുകളില്‍ 
ഇപ്പോഴും പ്രണയം അടയിരികുന്നുണ്ട് !

ഗിരി ശിഖരങ്ങളെ 
മഞ്ഞുരുമ്മുന്ന സ്ഥലത്ത് ,
കൂട്ടുകാരെ കെട്ടിപിടിച്ചു നില്‍കുന്ന
ഓട്ടോ  ഫോക്കസ് ചിത്രത്തില്‍ 
ഒരു ക്യാമ്പസ്‌ വസന്തം മണക്കുന്നു!

മഞ്ഞപട്ടുസാരി അണിഞ്ഞു  ,
ആവശ്യത്തില്‍ കവിഞ്ഞു മേക്കപ്പ്  ഇട്ടു ,
പുതു മണവാളന്റെ 
കൈകള്‍ പിടിച്ചു നില്‍ക്കുന്ന  ഫോട്ടോയില്‍ ,
ഭയത്തോടൊപ്പം   നിറയുന്നത് , 
നഷ്ടപ്പെടാനിരിക്കുന്ന  
ഇളവെയില്‍ കാലങ്ങളുടെയും   ,
ഒരു പുഴയുടെയും,
 വിഷാദം  !

നീലച്ചായം  തേച്ച, 
ഫ്ലാറ്റിന്റെ പടികള്‍ 
ഇറങ്ങിവരുന്ന ,
കറുത്ത കണ്‍തടങ്ങള്‍  ഉള്ള 
നഗര ജീവിയുടെ, 
ഡിജിറ്റല്‍ ഫോട്ടോയില്‍ 
ഒറ്റപെടലിന്റെ ശൂന്യത !
....................
ചില മുറിവുകളെ ഉണങ്ങാതെ 
സൂക്ഷിക്കുമെങ്കിലും,
ചില മരണങ്ങളെ 
തുടര്‍ന്ന് ജീവിപ്പിച്ചു കൊണ്ടെയിരിക്കുമെങ്കിലും ........
ഒരു ഫോട്ടോ എടുക്കുമ്പോള്‍ 
കാലത്തിന്റെ ഒരു കണികയെ 
ആരോ സാക്ഷ്യപ്പെടുത്തുകയാണ്....!

1 comment:

  1. oru photo edukkumbol vividha angilukalil ninnu palavattam nokkiyanu edukkunnat, oro photographerinte chindagatikkanusarich atu marum...pakshe photo eduttu kazhinju nokkumbol..aa photoyil tanne orupadu kanakazhchakal maranjiruppundavam.....oro kannukalkkum aa kazhcha vyatystamann...
    etu ninte kazhchayann....pakshe...enikum etu valare manoharamayi tonnunnu...

    ReplyDelete