Wednesday, July 14, 2010

ഹേമന്ദ മഴ !

വ്യാകുലവും  ഏകാന്തവുമായ  ഈ  ഹേമന്ദ മഴയില്‍ 

ഒരിക്കല്‍ ,
നമ്മള്‍ പങ്കുവച്ചിരുന്ന കുടചൂടി,
അന്ന് സഞ്ചരിച്ചിരുന്ന പാതയിലൂടെ
ഞാന്‍ നടക്കുന്നു .

മലമടക്കുകളെ  മഞ്ഞിന്‍ശകലങ്ങള്‍
ഭൂതാവേശത്തോടെ  പൊതിയുംപോള്‍  ,
വിറപൂണ്ടു നില്‍ക്കുന്ന
നരച്ച യൂകാലിപ്ടസ് കാടുകളും ,
മഴക്കോട്ട്   ചൂടിയ മുഖമില്ലാകുരുന്നുകള്‍
കളിക്കുന്ന പള്ളിക്കൂടവും ,
മഞ്ഞതലപ്പാവുള്ള ഈറക്കാടുകളും  താണ്ടി ,
ഞാന്‍ നടക്കുന്നു .

 ദൂരെ ,
നാം ചൂട്കാപ്പി നുണഞ്ഞിരുന്ന,
തടികൊണ്ടുതീര്‍ത്തതും ചില്ല്ജാലകമുള്ളതുമായ 'കഫെ ',
അനാഥമായി  ചിതലരിച്ചു നില്‍ക്കുന്നു .

അതിനുമപ്പുറം ,
ജലാശയം...
പായല്‍പച്ചയില്‍ ചലനമറ്റ്.

വര്‍ഷങ്ങള്‍ക്കു  ശേഷം സ്പര്‍ശനസുഖമറിയുന്ന ,
വൃദ്ധമനസ്സോടെ    ജലകരങ്ങള്‍
എന്റെ പാവാടതുമ്പിനെ നനയിക്കുമ്പോള്‍ .....
ശീതകാറ്റില്‍ എങ്ങോ, നിന്റെ    പാട്ട്
മര്‍മരമായി   നിറയുമ്പോള്‍ .....
എന്റെ സിരകളെ,ഓര്‍മ്മകള്‍
വരിഞ്ഞു മുറുക്കുമ്പോള്‍ ......

ഞാനറിയുന്നു ....
ഹേമന്ദ മഴ വ്യാകുലവും ഏകാന്തവുമെന്ന്‌    !.

3 comments:

  1. അതോടൊ ചിലപ്പോ എകാന്തമാവും

    ReplyDelete
  2. yaadrischikamayi njan ee varikal vaayikkubol ivide mazha thudangi.......mazha vellathinte irambalum janaliloode arichethiya mazhathulli sparsathinte kulirum...ee varikalum....oru yaathrayude anubavam ennillum choriyyunund....

    ReplyDelete
  3. thanks a lot.ozhakkan(enthu peranenteeswara) ...
    govrosh(chetta)......
    varikal.. yathrayude anubhavm pakarnnu ennariyumbol
    santhosham...

    ReplyDelete